هذه الصوره لا تمثل اي نوع من انواع المرأه
ومن تجد اي شبه بينها وبين هذه الصوره فهو خطأ غير مقصود
هذا بجانب اني بقصد الامثله بأنثي القرد
والي علي راسو بطحه بقي يحسس عليها
مثل يابانى
الشيطان استاذ الرجل وتلميذ المرأة
ثق بأمرأتك مادام أمك تراقبها
مثل هنغارى
أنظر الام وتزوج الإبنة
مثل بولندى
الربيع عذراء والصيف ام والخريف أرملة والشتاء زوجة
مثل تشيكى
المرأة الجميلة تحتاج الى ثلاتة أزواج واحد ليدفع ديونها وواحد لتحبة وواحد ليضربها
لاتستند الى الجدار المائل ولا الى المرأة
مثل بلجيكى
يخرب البيت ثلاثة زوجة شابة وخبز جديد وخشب اخضر
مثل شرقى
يختبر الذهب بالنار وتختبر المرأة بالذهب
لم تنة المرأة عن شئ الا وفعلتة
دموع المرأة دليل كذبها
النساء ناقصات عقل ودين
إثنان فى خطر النساء والزجاج
ما أشق على المرأة أن تكتم سر
االمرأة كالحرباء تتلون كيفما شاءت
استشر زوجتك دائما ثم نفذ ماتراة انت
مثل مصرى
إكفى القدرة على فمها تطلع البنت لامها
إبنك على ماتربية وامرأتك على ماتعودها
إن كان الرجل بحر تكون المرأة جسر
اللى ماتعرفش ترقص تقول الارض عوجة
فى الشارع عروسة وفى البيت جاموسة
زى القطط ياكلوا وبينكروا
مثل انجليزى
المرأة شعر طويل وعقل قصير
من تزوج إمرأة لها ثلاث بنات تزوج اربع لصوص
لا سلاح للمرأة إلا لسانها
هناك ٣٩ تعليقًا:
الأمثال كتير بس مين اللي بيفهمها؟
خالص تحياتي
أحيانا تكون الأمثال صحيحه لأنها من تجارب وخبرات الشعوب
لية بس كدة يا تامر
عموما شكرا على الامثال بس بجد معظمها بيظم المراءة المسكينة الغلبانة الطيبة البلسم
أكثر ما يجعلنى ممتنة للقدر أنى فتاة و لست رجلا
يعنى خلاص الرجالة هما الى كاملين و ملايكة يا عم تامر ؟ أيه .. ما بتظلموش ؟ ما بتخونوش ؟ ما بتنكدوش على عشيتنا و عيشة الى خلفونا ؟؟
تامر انت من اعداء المرأه ولا ايه
الربيع عذراء والصيف ام والخريف أرملة والشتاء زوجة
البوست الجديد بتاعى نزل ورأيك يهمنى
بس برده بوست هايل خرج حاجات جديييييييده
مساءالخير
اول زيارة لي مدونتك وشكلها الاخيرة
حرام عليك ياتامر انت مالقيت صورة
تعبر عن المراة
غير دي
انت ناسى ان المراة هيا الام الاخت الحبيبه والزوجة
يمكن بعض الامثال تكون صحيحه بس الصورة سيه جدآ
ليه كدا يافناااااان
هاي تموور انا ميمي
http://mimayaa.blogspot.com/
مش كل امثال الهند تمشي علي شعب الصين ... فهمتني ؟ يعني لكل شعب عاداته وتقاليده .. بس فيه مثل انا بحبه اي عن المرأة (المرأة كالجيتار لا تصدر انغاما إلا لمن يجيد العزف عليه)
بس اهتمامك بالمرأة شئ يسعد كل البنات
ابحث عن المرأة ـ شيرشيه لا فام يا مان ـ
اقبل صداقتي الجديدة
ميمي
عذرا لوجود مشكلة في الباسوورد بتاعي
ايوة كدة اديهم, بنات حواء هيقوموا عليك, لو احتجت سنيد انا معاك
ههههههههههه
والله يجدعان الموضوع ابسط من كده بكتير انا مقصدتش اني اخص المرأه ولا حاجا الفكره كلها اني لما قريت الامثله ضحكت وحبيت اضحكم
ولا من اعداء المرأه ولا حاجا بالعكس انا مؤمن تماما بالمرأه بس مش بكرهها غير لما تتدخل في حياه الرجال وتعمل عقلها بعقلهم
عمتا متزعلوش مني ولو عاوزيني اشيل البوست اشيله ولا ان اي واحده تزعل
وانت يا شاه
مخليينك للكبيره
عاش يا مان
يحي العدل
هههههههه
تحياتي ليكو كلكم ومتزعلوش خلي عندكو روح رياضيه
مالامثال كلها شكلها كلام جامد اهي
اشمعنى المصرية يعني اللي قدرة وفومها وعوجة
يالله
نصيب
ده بصراحة عجبني :
لاتستند الى الجدار المائل ولا الى المرأة
مش لدرجه تشيل البوست
الامثال دي نسمعها دايمآ
وشكرآعلى تعبك وتجميعك لها
بس كنت تجاملنا وتحط مثل واحد مع المرأة
إللى ضايقنى فعلآالصورة
كده انت بهدلتنا جدآ
بصراحة المفروض نرفع عليك قضية
..........
وبعدين ايش حكايه انك بتضايق من المرأة لما تحط عقلها بعقل الراجل
ياريت تتكرم علينا وتوضح انت بتقصد
ايه
شكلى راح اتهزأ لانى ثقلت عليك بكلامى
متزعلش وخلى روحك رياضيه
.......
اناملاحظه ان كل الرجال معاك ومبسوطين جدآ
مفيش ولا مثل منصف للمرأة
شاكلك منقيهم على الفرازة
على العموم الله يسامحك
وزي ما في أمثال سوداوية على المرأة، في أمثال كتيييييييييير أوي أكثر سواداوية على الرجل
ربنا يهدي الجميع يا رب
ونصيحة: متخبطتش في الحلل كتير
:)
نوني
هههههه
امثلة بها الكثير من الجمل التي اضحكتني
تحياتي اخي
يا ريت تغير الصورة دى
لأن فيها إهانة للمرأة
وبالنسبة للأمثال فهى مش قرآن
يعنى تقبل الخطأ والصواب
بـــــاى
متشيلش الصورة يا تامر, البنوتة زي القمر
يا بنات
انتو اثبتولي ان روحكم مش رياضيه خالص
اولا انا كاتب امثال من دول العالم مش مقصود يعني المرأه بقي واني من اعداء المرأه والكلام المجعلص ده
ابدا والله
وكمان بقي عشان محدش يزعل انا كاتب الامثله دي علي الصوره دي يعني بتكلم عن قرده خلاص
والي علي راسو بطحه بقي يحسس عليها
عشان محدش يزعل
عداني العيب
تحياتي
هذه الامثله وغيرها هي السبب في ما تعاني منه المراة ,يا سيدي عامة الشعب بيروا في هذه الامثله امور مسلم بها وتزيد اقتناعهم بان المراه ما هي الا كيان مهمش وعوره لابد أن تحبس بين اربعة جدران ,وما الداعي الي ذكر هذه الامثله ,كنت افضل أن تذكر امثله تشير فيها الي أهمية المراه ودورها العظيم أما هذه الامثله فهي بتتماشي مع هوي كثير من الناس المصابين بعقدة المراة ,انا اري ان هذه الامثله مش مكانها هنا ولا يصح ان تذكرها ,هذه الامثله والعادات والتقاليد الباليه التي تتناقض مع روح الدين يجب أن تندثر لا ان نستعيدها ,ويا ريت تشيل الصوره اللي فوق البوست ,ما معني هذه الصوره يا سيدي ؟اجاوب انا معناها تكريس النظره اللي مش كويسه أزاء المراة,اتمني أن تتقبل خلافي معك
ولا يصح ان تذكرها ,هذه الامثله والعادات والتقاليد الباليه التي تتناقض مع روح الدين يجب أن تندثر لا ان نستعيدها ,ويا ريت تشيل الصوره اللي فوق البوست
سيدي الفاضل متدخلش الدين في كل حاجا الموضوع بكل هدوء امثله الشعوب لا اكثر ولا اقل وغير كده انا بتكلم عن انثي القرد
ايه الي مدايق حضرتك
تحياتي
ملحوظة ... ملعوبة
في الجوووووول
بس خلى بالك من جمعية حقوق أنثى القرد
ولا أنت من أعداء أنثى القرد؟
خالص تحياتي الأخوية
انا بكره انثي القرد ولو عندها بلوجر بقي تقولي
تحياتي
السلام عليكم
انت فعلا يا تامر ضربت على وتر حساس والمضحك انه كل الرجالة بسندوك لكن لازم تعرف انه ومن بد مرجوعك هـ يكون للبيت يعني للعيلة يعني ولا حد من الرجالة هـ يقدر يسندك ومتتغرش بكلام شاه ده اول واحد هـ يجري
بالزمة ده بردك كلام بتقوله على الانثى؟
ده حتى في مجتمعات الحيوان الانثى ليها مكنتها وخصوصا زي ما انت حاطط في الصورة مجموعة الشيمبانزي بتبقى بتدير امورها انثى
ربنا يبعتلك كده بت زي القمر كامله من جميعه- الكمال لله اولا واخير وتكون بتحبك وبتموت فيك وقتها عاوز اعرف هـ تكتب عن الانثى ايه
علي فكره البنت موجوده والحمد لله وبتموت فيا وبموت فيها
وهرجع تاني واقول انا مكتبتش الموضوع ده عشان اسيء للمرأه ده مجرد دعوه للمرح
تحياتي
وعلي فكره مش هدايق لبدا لو بنت اموره بردو كتبت عن الرجل لاني روحي رياضيه جدا ولازم اقبل النقض
تحياتي كمان مرتين تلاته
يا حرام عليك
كل هذا في النساء
بس برضه حلوين
تحياتي
طبعا حلوين ومقطقتين كمان
تحياتي
ممممممممم
:(
:(
:(
كده بردو بقى احنا اللى زى الملايكه وزى النسمه تقول علينا كده
لاء يا تامر انت لازم يترد عليك فى بوست كبيييير
وعلى كل اللى شجعك من المعلقييين
:)
ومش سلام
R.R
وماله مش عيب من الواضح انك قريتي الملحوظه بتمعن
ههههههههههههههه
انا بردو روحي رياضيه ومستني البوست بتاعك بس اتمني تلاقي مثلين تلاته علي النت
بس معتقدش
لانك بمجرد متعملي سيرش هتلاقيهم كلهم عن الأنثي
هههههههههه
ومع انك قلتيلي من غير سلام
بس انا هقولك
وعليكم السلام وعليكم السلام
ايه الكلام دا بس الناس دي كلها غيرت رأيها قبل ما تموت لانهم ملقوش حد يطبطب عليهم في ايامهم الاخيرة ويديهم الدواء الا بناتهم او مراتتهم او اخواتهم البنات
الخيط الرفيع said...
ايه الكلام دا بس الناس دي كلها غيرت رأيها قبل ما تموت لانهم ملقوش حد يطبطب عليهم في ايامهم الاخيرة ويديهم الدواء الا بناتهم او مراتتهم او اخواتهم البنات
7/09/2007
انا مش فاهم اي حاجا الحقيقه
تحياتي
توضيحاً لتعليق الخيط الرفيع
هو يقصد إن الناس اللي قالت الأمثال دي غيرت رايها قبل ما تموت
لما ما لقيتش حد جنبهم ساعة تعبهم
يهتم بيهم ويديهم الدواء
غير الستات
اللي هما يا أما زوجاتهم أو بناتهم أو أخواتهم البنات
بصراحة .. عنده حق
خالص تحياتي الأخوية
ياااااااااااااه
ده انت بتعزنا أوي
ياسر حسين
شكرا لتوضيحك الجميل
شيرمين
اكيد طبعا بعزكم جدا جدا
طيب يا .... ظريف
ها ها ها ها
ادينا ضحكنا
انا عاوزه افهم فى ده كله ... الخشب الاخضر؟؟ ده مين ده .. خشب بايظ؟؟
بس على فكره معظم الامثال صحيحه
لان لو ماكانش عندها الاسلحه دى... كنتو تاكلوها
بس احنا مبنكلش قرود
تحياتي
نسيت
تحياتي يا ظريفه
الامثال كلها تحفه والاخطر ان كلها صح بس مش عارفه ليه بيقولوا علي دموع المرأه دموع تماسيح ؟؟؟؟؟؟؟؟
مع ان المرأه بتكون في اضعف واصدق حالاتها لما تبكي
السلام عليكم
القران قال
ان كيدهن عظيم
والرسول ص قال
استوصوا بالنساء خيرا
وانا راي ان التعميم مرفوض في كل شئ
مهو برده ربنا مخلقش الرجاله ملايكه
واسيبك مع فيلم انتقام امرأه
هههههه
سلالالام
انوس
والله انا علي حسب علمي ان التماسيح دائما بيكون عنيها فيها مياه زي الدموع مع انها مش بتبكي
فشبهو المرأه بكده
اما بقي يا بوسي
اولا انا مش معمم
انا بقول المرأه والي علي راسها بطحف بقي تحسس عليه وزي منتي بتقولي ان الرجاله مش ملايكه بردو الستات مش ملايكه بدليل انك زكرتي كلام ربنا وانا خصصها بردو ومش هقدر انس ابدا ان الجنه تحت اقدام الامهات
واكيد طبعا الامهات دي سيده او مرأه ولا ايه
اسيبك انا بقي مع مسرحيه
اقتل مراتي ولك تحياتي
hi
إرسال تعليق