٢٠٠٨/٠٨/٢٨

الفيس توت


العواف عليكم

عاملين ايه والله وحشني موز موز موز

النهارده في موضوع هو قديم حبتين او ممكن تلت حبات

موضوع الفيس بوك

الحقيقه انا مكنتش من محبينه اساسا

ولكن الفتره الاخيره لاحظت ان الناس متتهافت عليه بطريقه غريبه وكأنه فيرس انتشر في حياتنا

والموقف الغريب او اللذيذ بالنسبالي ان لما بدأت الفتره الاخيره اني اسمع عنه وان الناس كلها عليه 24 ساعه

لما دخلت عليه وحبيت اعمل اكونت جديد اكتشفت اني عامل عليه من تلت سنين وكمان حاطط صور ليا والبوم وحبشتكنات

قلت في عقل بالي الله ده مش جديد بقي

ده بقاله كتيير من ايام ال hi 5 واكيد في ناس كتير عارفه الموقع ده بس نفضوله من ساعه مطلع الفيس بوك ده

الحقيقه انا بالنسبالي الحاجا الوحيده الي عجبتني فيه اني عرفت اجيب اصدقاء ليا من ايام ثانوي وايام الكليه

وبجد جمعنا من تاني

انا مش بشكر فيه بس حبيت ادردش معاكم شويه عشان وحشتوني وحشتوني وحشتووووووني

وحشتو عيوني

تحياتي ليكو يا كلللللللل اصحابي القدام والجداد والي لسه هنكون اصحاب