في احدي المناقشات علي الانتر نت مع اخي الكبير وصديقي في نفس الوقت
الفنان ياسر حسين
كنا بنتكلم عن مدونته وعن موضوع الشخبطه الي بيطلع منها ابداع محدش يشوفوا أو يفهموا غير القليلين
وقالي كده في مداعبة اخوية
يبني ... انت مش وانت صغير كنت بتشوفني وانا برسم وتقلدني منتا بتعرف ترسم كويس مترسم رسمه وشوف رد الفعل هل هيكون جميل او لا وخساره تدفن مواهبك جوه نفسك كده حاول وحاول لحد متوصل للي انت عاوزه
انا عن نفسي مكدبتش خبر وعنها وقمت ناطط علي الورقه البيضه ومسكت قلم رصاص قديم يكاد يستغيث من شده البري
وقلت اجرب ارجع زكرياتي بس مع الاسف رجعت زكرياتي حتي في رسوماتي ويوم مرسمت رسمت واحد من قفاه ههههههه وعجبي
اتمني نقولولي رايكو
تحياتي ليك يا اخويا العزيز ومتخفش مش هاكل منك الجو ههههه
هناك ٣٢ تعليقًا:
ايوه كده ارسم يا عم
وكل الجو ولا يهمك
أنا أكون مبسوط بنجاح أخويا الوحيد
في انتظار رسومات جديدة
خالص تحياتي الأخوية
حلوة بجد الصورة
ومعتقدش اننا حنقدر نوصلك مدى روعنها بجد
كمل رسم ومتحرمناش من باقي المواهب
تحياتي
ياسر حسين
تلميذك بقي بس هروح منك فين
تحياتي الاخويا بردو
ليندا
مكنتش عارف ان ممكن تكون كويسه اوا رائعه زي مبتقولي بيتهيألي كده انك بتعظمي من شأني مش اكتر عمتا ربنا يسهل واحاول تاني وتالت مين عارف يمكن يكون بداخل كل واحد فينا موهبه هو نفسه مش عارفها
تحياتي
بص بقى انا اول واحدة مريت على البوست دا الصبح بس كنت فى الشغل وكل ما اجى اعلق يقولى بيج نوت فوند
فاعتبرنى التعليق الاول
بص الصورة حلوة جدا بس عشان انت اللى راسمها عارف انا زمان كنت فترة بطلت كتابة والناس القريبين منى كانوا يقولى اكتبى ومتبطليش
ولما كنت اكتب حاجة كنت انبسط اوى
عارف ليه؟؟
عشان كنت بحس ان الحاجة ثمرة ابداعى انا حتى لو مش حلوة يكفينى انها بتاعتى
مش قصدى ان الصورة وحشة .. بالعكس لعلمك بقى الصورة عجبتنى جدا .. واقعية والتفاصيل اللى فيها حلوة
دا على حسب فهمى المتواضع فى الرسم يعنى
الاهم من دا كله يا فنان انى بحسدك فعلا انك بتعرف ترسم اخوانك الغلابة اللى هما انا بيحبوا الرسم بس للاسف عمرى ما اعرف ارسم خاااالص
كان نفسى اكون بعرف
تحياتى المدونة جميلة
وانا اتبسطت اوى بيها
تحيااااتى
يا عم ارسم والناس الكثير الي مش فاهمة فهي معذورة لانها لا تفهم هذا الفن تحياتي لك واتمني لك التوفيق
حدوته
بجد رفعتي من روحي المعنويه ومعلش لو مكنتيش اول واحده تكتبي في الموضوع بس كفايه انك حاولتي ومأسعفكيش الحظ بس طبعا انا مبسوط كتير انك كنتي بتحاولي تكوني اول واحده تعلق في البلوج
مرسيب كتير ليكي واتمني تكوني من اصدقاء المدون
عمور باشا
متحرمش من ردك الكريم واتمني ترد علي باقي المواضيع الي بالمنتدي عشان بردوه تذيدني شرف
تحياتي
الاول انا ضيفة جديدة وياريت تقبل وجودي بينكو ثانيا الرسم جميل جدا تسلم ايداك بس عايزة اعرف هو مدينا ضهرة لينا ولا اية اوعي يكون زعلان مننا منقدرش علي زعلة
تحياتي ليك
اهلا مشمش انتي اول مره تخشي هنا بس انا عارفك من مدونه اخويا ياسر حسين فنان الكاريكاتير
سعدت بلقاءك
بس علي فكره انا نفسي مش عارف انا ليه رسمته كده ولو لاحظتي انا كاتب يوم مرجعت بزكرياتي رسمت واحد من قفاه
يظهر هو كمان بيرجع معايا
تحياتي
اجمل حاجه في الموضوع زي ما حدوته قالت ان انت اللي راسم دا
وكفايه انك بتحاول
بس هو انا استغربت ليه القفا بالذات
ايه ده انتو اخوات ؟؟؟
انا كنت مفكراه تشابه اسماء بس
لما عرفت ان انتو اخوات دلوقتى بس خدت بالى ان فيه شبه كبير بينكو
الرسمه دى لذيذه اوى يا تامر
بس هو مستغرب من ايه
شكله مستغرب عشان رسمته من قفاه
المره الجايه ارسمه من وشه
:)
تحياتى
شكرا ليكي تونا ده بس من زوقك
داليا تصوري ان انا نفسي مش عارف هو مستغرب من ايه صدقيني لو قلتلك انا لما رسمت مكنش في بالي اي حاجا عاوز ارسمها وايدي هي الي رسمت لوحدها
تحياتي ليكي كتير ومتحرمينيش من ردودك الجميله
انا كمان بيجى لى الاحساس ده لما اجى اكتب
بحس ان القلم هو اللى بيكتب لوحده مش دماغى ... فى اول كلمه بكتبها ببقي مش عارفه اايه اللى بعدها و لغايه اخر كلمه بنهى بيها و بعد ما اقرا
اقول لنفسي
هو انا اللى كتبت ده ؟؟؟ طيب كتبته ازاى
بالظبط داليا هو ده الي بيحصلي
علي فكره انا مبسوط جدا انك متابعه المدون وده في حد ذاته بيديني دافع كبير اني استمر في التدوين
تحياتي ليكي كتير
وبتقول مبتعرفش ترسم
ده انت باشا
كمل وارسم الصوره حلوه اوووي
خدنا ايه من وشه لما يدينا قفاه
هههههههههههههههههههههه
تصور انه شبه ياسر
هي اي نعم من قفاه
بس والله العظيم جامدة
ومش عارفة سيت ان الصورة كدة بتفكر
يعني راجل فهيم :)
بس بجد والله حلوة اوي
استمر انت مبدع
koukawy
مع اني معرفكش
بس انا الي اسمي انا بقول لاخويا استاذ ياسر
او ابيه ياسر
ثانيا انا مقدرش اشبه رسمه زي دي باخويا
تحياتي وفرصه سعيده
سمار النيل اهلا بيكي واتمني متكونش اخر زياره ليا في المدونه
وعلي فكره الراجل مش بيفكر دي مش علامه تعجب دي علامه الاستغراب
يعني زي متقولي هو بيقولي مرسمتنيش من وشي ليه
والله اعلم طبعا
تحياتي ليكي كتير وتشرفت برؤيه تعليقك
محمود باشا علي
الله يخليك يا عالي المقام
انا علي قدي والله ومجيش حاجا جنب اخويا الفنان ياسر حسين رسام الكاريكاتير
متحرمش من زوقك واتمني اشوف تعليقك دائما
تحياتي
انا اول مره اجى عندك
بص هى الصورة بالسبه ليا انت فنان لأنى مش اعرف اعمل ربعها لكن بالنسبه لصور كتر بشوفها فهى هتكون متواضعه جدا لكن من تجربتى مع الشعر اقدر اقولك انى اول مره كتبت قصيده الناس ضحكت عليا لكن دلوقتى مش عارف عدد الجوائز اللى حصلت عليها فى الشعر والمجال الادبى
ربنا يوفقك
المهم تخدم المجتمع والاسلام بفنك
صاحب تجمع المدونون المصريون
mazaag.blogspot.com
حزين سعدت بلقاءك والف شكر لتواضعك الكريم
وبأذن الله هزورك في مدونتك
تحياتي
أنا حأقولك زى ما قالك أخوك خساره تدفن مواهبك جوه نفسك كده حاول وحاول لحد متوصل للي انت عاوزه، أنا كمان بحب الرسم وبشخبط يعنى، بس بقالى فترة ما برسمش وبحاول أرجع أرسم تانى
على فكره يا تامر انا بحب الرسم جدا
مش معنى كده انى بعرف ارسم .. لا خالص انا لو جيت ارسم ورده هيبقي شكلها عبيط اوى زى اول مره واحد يمسك قلم و يحاول يرسم
مش عارفه ليه دلوقتى افتكرت كلمه كنت كاتباها زمان وقتها الدنيا ضاقت بيا اوى حتى القلم اعلن تمرده عليا و مش راضى يريحنى و يكتب
شوف اللى كنت كاتباه عن الرسم
.. قلمى واقف قدامى حيران صامت عاجز سعات كتير ببقي نفسي ارسم..
.. الفرشه و الالوان هتطلع احساسي احسن من الورقه و القلم .. الرسم لغه عالميه ممكن اى حد يفهمه انما الكتابه.. انا بحب الكتابه .. بس كان نفسي يبقي عندى موهب الرسم عشان اقدر اعبر عن نفسي اكتر...
ارسم و ماتبطلش رسم
كل الجو من ياسر ولا يهمك
بحبك يا مصر اهلا بيك في مدونتي
والف شكر لكلامك الرقيق
وانا هسمع كلامك وهرسم تاني
بس المشكله اني مش رسام انا مغني
وصاحب بالين كداب
تحياتي بس بجد هسمع كلامك
داليا انتي فعلا كاتبه جيده وانا احييكي علي كتاباتك
وانا بإذن الله هحاول ارسم رسومات تانيه بس لما الناس كلها تشوف الرسمه دي وتقولي رايها
تحياتي ليكي ومتحرميناش من كتاباتك
ده العيلة كلها فنانة بقى, بس انا عرفت ياسر الاول
مش عارف ليه عندي احساس شوية و كدة و هلاقي
محمد حسين
و احمد حسين و مي حسين
بس بجد الرسمة هايلة
اغنيتك اول ما هوصل البيت هنزلها عشان في بلوك على الداونلود هنا
و هبقى اقيم مستوى النشاز اذا كان اتحسن و لا لا
S H A H
ههههههه
ماشي ماشي
علي فكره الحمد لله مفيش غيري انا واخويا من عيله حسين عشان بابا مجبش غيرنا والحمد لله
بس الحمد لله انها عيله كلها فنانين مش عيله مجانين ههههههههه
مستني ردك الجميل ان شاء الله
تحياتي
حلو يا تامر انتوا عليتكوا كلها فنانه ارسم ياعم شخبط ياعم
شخبط شخابيط لخبط لخبيط على الطرقات وفوق الحيط
اعمل الى يعجبك
دى سيلفادور دالى كان بيشخبط
رسمتك حلوة اوى
تحياتى
منا خايف لحسن ابقي زي سيلفادور دالي وانتحر في الاخر
ويالهوي لو عندي شنبات زيه تبقي مصيبه هههههههه
تحياتي جداجداجدا
أخوك السابق وأنت اللاحق هو بيتحرك لقدام وانت بتخطو خلفه بخطوات نوعا ما محسوبة
نصيحتى ليك فلتخطو خطواتك بثبات وثقة وأحسن الظن بالله ولن يخيب رجاك
تحياتى على بداية موفقة
هبة
مرسي دوبا
وكل شيء باوان
تحياتي
إرسال تعليق