حسبي الله ونعمي الوكيل

مش عارف الصراحه ابدأ منين بس النهارده حصل موقف شفته من بعيد وخلاني مخنوق طول اليوم

وهو صاحب البيت الي فيه الشغل بتاعي بيتنطط علي البواب وبيتنك عليه والبواب غلبان غلب الكتاكيت

وبعد ما صاحب البيت الموقر جعجع وبعبع في البواب المسكين قاله بعلو صوته لم هدمك وفارقنا من هنا ملكش عيش عندي

طبعا انا قلت بيني وبين نفسي يمكن يكون البواب غلطان بس لما شفت البواب وهو بيلم هدومه وعفشه

لاقيت ان كل ما يملكه يادوب ملي كرتونه من بتوع التلفزيونات كده

والي هو عباره عن جلبيتين مثلا وكبيرته مش بطنيه حتي

سيبكم من كل ده انا مديقنيش غير منظر البواب وهو قاعد علي جنب الرصيف كده وباصص في الارض وبيفكر هيروح فين ولا هييجي منين وهيروح بمراته الغلبانه الي ابنها علي ايديها مكملش تلت تشهر

انا مش هقول حاجا غير حسبي الله ونعمي الوكيل في كل من يتسبب في قطع عيش حد حتي لو كان صاحب بيت ولا شركه ولا اي شيء خلقه ربنا

معلش طولت عليكوا بس كان نفسي افضفض

تحياتي