لو كنت قطه

الصراحه كالعاده مش عارف أبدأ منين من هنا ولا من هنا

كنت راكب مره في عربيي المتواضعة باكل عند محل فول و طعمية مع أحد الأصدقاء حاكم انا بحب الطعميه وهي سخنه وخصوصا بالعيش بو سمسم ... ما علينا المهم ... إذ بي ألمح قطه متوسطة الحجم بتتمختر في الشارع متجها من تحت عربية الي عربية أخري وبعدها استلقت علي الأرض وإسترخت وظلت هائمه في ملكوتها

الصراحه لفتت نظري جدا.. وقلت لفسي يا تري القطه دي بتفكر في إيه ؟؟؟

وليه بتتنقل من تحت عربية لعربية تانية ؟؟ و ياتري بتشوفنا إزاي بحجمنا الغريب بالنسبة ليها وهل لمابتشوف فار مكلبظ كده بتشوفه زي محنا بنشوف ديك رومي كده مثلا او بتشوفه كأنها شافت حله محشي.... ولا إيه إلي ممكن يدور في دماغها الصغيرة دي .... ؟؟؟ سبحان الله ... انا فاكر زمان كنت اعرف إن القط بيجري ورا الفار وإن الكلب بيجري ورا القط زي توم وجيري كده لكن دلوقت مع إختلاف الأجيال من الواضح إن مبقاش في تفرقة عنصرية خالص بقيت بشوف القط بيخاف من الفار والكلب بيخاف من القطه او كمان ممكن تلاقي قط بياكل مع كلب في نفس الطبق عادي جدااااااا.... وكمان من الملاحظ ان عدد الكلاب والقطط كتر جدا في شوارع مصر لدرجة إن بقي في الحراس بتوعها وكلاب ولاد كلاب كمان يعني ممكن تلاقيهم هما وعيلتهم بقي بيتمختروا في الشارع ومتقدرش تعدي من غير متستأذن منهم ويا إما يوفقوا إنك تعدي أو لا ....هههههههه

و عجبي عليك يا زمن